
Saturday, November 13, 2010
2010台灣游

Sunday, August 08, 2010
粵普之爭的小感受
對於近來香港和大陸的粵普之爭,我之前都談過不少,現在還有一些感想,故想加上一個註腳:
一,7月13日個集星期二檔案講香港人講鄉下話的情況,值得一睇,圍頭話都仲係第一次聽到有人講,怪不得之前去元朗吉慶圍參觀,老人家唔講客家,而講歪歪地的白話,原來就係圍頭話;
二,香港就係一個咁奇怪的地方,白人老外來到住成世都唔使學中文,黑皮膚老外來到成世都學唔好中文,黃皮膚本地人卻想仔女唔好學中文! 梁啟智兄的文章可供參考。我估香港華人不少的上一代或兩代都唔係講粵語,對粵語無甚歸屬感,只係社會需要而講,所以唔覺得有義務保護粵語。不過如果社會開始關心保育舊建築、自然景觀,呢股風氣亦應可以帶到保護語言之上。
三,香港的法定語言為兩文三語,但偏偏學校只會教兩文兩語 (甚至連粵語都趕出學校者亦有,參考德望學校),餘下的粵語絕大多數人都無機會學,小弟好彩在中大有機會上左3堂 “語精”,先至識得粵語拼音,難道母語就唔需要學?
四,國內向下一代強力推普,尤其在校內,校外又係咁向公眾宣傳,實際效果就係小朋友用方言的機會同能力大減,成人亦少左機會為方言注入新內容,潛台辭就係要削弱大人細路講方言的能力,試問咁仲唔係要慢慢消滅方言? 溫水煮蛙而已! 最後變成點? 好彩的可能好似台灣的閩南話咁,只可活躍於鄉間/ 南部,但一種語言如果唔可以存在於大城市同年輕人之間(未去過高雄,唔知多唔多年輕人講閩南話呢? 但連 “海角七號” 去到墾丁都係講國語,我無寄於希望了),則生命力大減矣!
五,國內主要官員由外省人擔任並沒有問題,反而係好事,吸納四方人才,也可避免在地方盤根。保護方言不需要本地人任地方官,也不需要外來官做騒咁學本地話,只要佢任內的措施唔好壓縮本地人講本地話之空間就好了,就好似英國人管香港,甚少港督識中文,華人半 “被逼” 學好英文,但英國人無要求我地校內家內任何時間都要講英文,已經係對使用方言的德政。
Saturday, March 27, 2010
交通快語 -- 最擠逼的巴士站
中環干諾道中近畢打街口以西的巴士站,是我經歷過的最擠擁的巴士站。不是說這裏停靠的巴士最多,而是在中環的這個咽喉位置空間非常稀少,到下班時間要完成經近不可能的任務︰最前面有綠色小巴54, 55路的終站﹔接著有兩個巴士的長度負責接發中途停站的巴士路線,包括4x, 5x, 18p, 30x, 43x, 46x, 115, 603, 619, 720, 788, 930, 962, 967, A11, A12, E11﹔最後還有一個巴士的長度來停靠每10分鐘相繼始發的960A和X962﹔路邊的行人路只有約3米闊,但路過的人、排隊候車的人和沒隊可排的候車人一同巧妙地在這裏各取所需﹔5x大巴上車的人特別多,一停就是兩三分鐘,後來的巴士靠不了站,只有堵回車路上,一堵便堵到畢打街口後﹔始發的960A和X962為了盡量停在較後的位置,每每都要在這鬧市中倒車,這可以極不輕易的舉動啊。試問有那一個路邊巴士站是在如此壓逼的條件下運作 ?!
Sunday, March 14, 2010
2010瑞意遊選篇 -- 雪朗峰 (Schilthorn)
說到瑞士的雪山,大家馬上都會想到少女峰和遮馬特峰,但瑞士到處都是雄山峻嶺,可供遊玩的又豈止這兩座山峰,這次我便登上了跟少女峰隔山谷相望的雪朗峰(Schilthorn)。