Saturday, November 05, 2011

周街都買到嘅再造紙廁紙!

話說有朋友發現惠康超市推出左自家品牌「特惠牌」"No Frills" 嘅再造紙廁紙,並且發表左佢嘅用後感,於是我都盡快去買返卷來試下。

外觀,認住棵樹。


「百份百再造紙」

FSC 認證,中文稱「可回收」同英文 "RECYCLED" (已回收) 似乎有D 歧意,我估應該信英文吧

紙張顏色略為帶灰暗,紙面上有D 暗花

價錢:$17.9/十卷,比好多其他款式都要平

用後感:試過用來抹鼻同抹PATPAT,感覺同其他用開嘅品牌無乜大分別,唔覺得特別的粗糙。

其實市面上仲有另一個叫做「綠柔」嘅再造紙廁紙品牌,不過只有幾間環保商店同有機店先有得賣,要買的話都不太方便。雖然惠康係兩大連鎖超市之一,對其他小店嘅生存帶來威脅,但如果以再造紙廁紙取代市面其他品牌所標榜嘅「100% 原木漿」廁紙,其環保嘅效果實在太大,喺咁嘅「利誘」之下,我實在唔介意惠康行使佢半壟斷嘅「霸權」,將呢種產品推廣到家家戶戶都使用!
講返轉頭,惠康肯繼綠柔後推出呢種環保產品,做行業嘅先行者,並且在定價上無加上綠色嘅「附加費」,將目標客群定為普羅大眾,而非中產以上環保意識較高嘅群體,本身已經係值得一讚嘅策略。希望以後可以吸引到其他品牌跟隨,生產更多再造紙產品。
至於好多人都關心嘅衛生問題,兩年前消委會對所有廁紙做嘅產品測試結果顯示(新聞稿在此,詳細報告有版權,不便在此貼出),當年惠康品牌嘅另一種2-ply environmental 廁紙的確有超標嘅細菌數量,但當中並不包含大腸菌群和兩種致病菌 - 金黃葡萄球菌和溶血性鏈球菌。至於今次嘅產品衛生方面是否合格,本人對有關生產過程和檢測制度都不太熟悉,無從評論。但從一個普通消費者角度看,惠康作為一個知名品牌無理由讓不合格的產品出售;又如果大家對其他品牌的原木漿廁紙都有信心的話,閣下又是否對其生產和檢疫程序有充足了解?由此看來,對再造紙廁紙衛生程度應該是有信心的,不過對此有所擔心亦係可以理解的,尤其大眾對再造紙回收再造的過程都只是一知半解,大眾容易以日常所見的回收過程跟再造紙廁紙聯想起來,所以有關生產商應該加強宣傳和生產/ 檢測的透明度,以增強公眾對此類產品的認知同信心。

Thursday, May 12, 2011

2011 - 2012 年各區巴士路線發展計劃 (RDP)

香港運輸署每年3-4月都會編訂未來一年的專利巴士路線發展計劃,並提交到各區區議會討論。各區議員都有機會就路線更改提出意見,但他們卻很少就發展計劃的內容向居民交代,只會假設居民都會同意他所認同的一套,而區議員們在議會內提出的意見足以左右各路線發展項目最終的落實。
現時的路線發展計劃都是以行政區來分開放於各區的區議會網頁內,查閱起來頗為不便,所以本人綜合起方便大家查閱,希望各位都關心自己當區的路線發展,並向區議員表達意見。

中西區
灣仔區

 
Site Meter